شری گروپ نے شہید جوانوں کے اہل خانہ کو مفت سیمنٹ دیا 

روڑکی: شری سیمنٹ کے لکسر یونٹ نے تین سال قبل منی پور میں دہشت گردانہ حملے میں شہید ہونے والے جوان کے لواحقین کو سیمنٹ کے 371 تھیلے دیئے ہیں۔ فوج کے شہید جوانوں کے اہل خانہ کو مفت سیمنٹ دینے کی اسکیم شری گروپ نے 2020 میں شروع کی تھی، جس کے تحت بھلوڈی گاؤں کے شہید کے اہل خانہ کو یہ مدد دی گئی۔
شری سیمنٹ کے لکسر یونٹ کے ایڈیشنل جنرل منیجر آلوک مرولیا نے بتایا کہ شہید بھوپال سنگھ ولد چندر سنگھ کے رشتہ داروں کی درخواست پر جو اصل میں باگیشور ضلع کے بھلوڈی گاؤں کے رہنے والے تھے، انہیں جمعہ کے روز سیمنٹ کے 371 تھیلے دیئے گئے۔ شہید کی اہلیہ بھاگیرتھی دیوی اور بیٹے منیش کمار نے بتایا کہ ان کے والد بھوپال سنگھ آسام رائفلز میں تھے۔ 2017 میں وہ منی پور میں تعینات تھے۔ اس دوران وہ دہشت گردوں سے لڑتے ہوئے شہید ہو گئے۔ لکسر کے ایم ایل اے سنجے گپتا، ایس ڈی ایم ویبھو گپتا، کمپنی کے تکنیکی سربراہ وشنو ورما نے شہید کی اہلیہ اور بیٹے کو شال اور یادگاری تحفہ پیش کرتے ہوئے ان کی عزت افزائی کی۔ انہوں نے کہا کہ فوجیوں کی ہمت کی وجہ سے آج ملک ہر طرف سے محفوظ ہے۔ قربانیاں دینے والے سپاہی ملک کے سچے فرزند ہیں۔ ہر شہری اس کا مقروض ہے۔ اس موقع پر اشونی شرما، تیمور علی وغیرہ بھی موجود تھے۔